https://www.facebook.com/photo.php?fbid=2808097465921295&set=pcb.2808119282585780&type=3&theater

https://www.facebook.com/photo.php?fbid=2822276741170034&set=pcb.2822292341168474&type=3&theater

w.facebook.com/photo.php?fbid=2838477642883277&set=pcb.2838483272882714&type=3&theater

საგაკვეთილო რესურსები

თუ ვინმე ფიქრობს, რომ სიბრძნეებს მხოლოდ ზრდასრული ადამიანები ამბობენ, ცდება, რადგან საპირისპიროს ამტკიცებს ის, რასაც აქ წაიკითხავთ! 

დავალების პირობა: მიეცით რჩევა მას, ვისაც არ უყვარს წიგნების კითხვა!

1. რამდენი წიგნიც გაქვს წაკითხული, იმდენი წარმოსახვითი სამყარო გაქვს ნანახი. (გიგა მე-6 კლასიდან)

2. წიგნს თუ გადაშლი, ის მოგცემს სიბრძნეს! (დაჩი მე-6 კლასიდან)

3. წიგნი ზღვაა, რომლის გვერდებშიც საკუთარი გემით დავცურავთ. (მარიამი მე-6 კლასიდან)

4. მძიმე სიტუაციში, შესაძლოა, მეგობარმა მიგატოვოს, მაგრამ წიგნი მუდამ შენი მეგობარი იქნება-სიტუაციის მიუხედავად. (ლიზი მე-6 კლასიდან)

5. თუ გვეყვარება სწავლა და კითხვა, არ ვუღალატებთ მათ, ისინიც დაგვეხმარებიან ჩვენ. (ნია მე-6 კლასიდან)

6. ადამიანს თავისუფალი უფლება აქვს იკითხოს. წიგნის კითხვა წამიერი, წუთიერი, საათიანი, წელიწადიანი სიამოვნებაა! (ცოტნე მე-6 კლასიდან)

7. თუ წაიკითხავთ წიგნს, ის მოგცემთ ნიჭს, ნიჭი მოგცემთ ლხენას! (მარიამი მე-6 კლასიდა)

8. წიგნი ჩვენს დიდ მომავალს ქმნის. (ნუცა მე-6 კლასიდან)

9. თუ არ ისწვლი, არავინ იქნები! (თაკო მე-6 კლასიდან)

10. დედამიწაზე მხოლოდ ერთი რამ არ იტყუება, ეს არის წიგნი. (რენა მე-6 კლასიდან)

11. თუ ისწავლი, გაიმარჯვებ, არ ისწავლი-დამარცხდები! (მარიამი მე-6 კლასიდან)

12. ისწავლე, ისწავლე და გახდი ჭკვიანი და პატიოსანი ბავშვი! (ზურა მე-6 კლასიდან)

13. წიგნი მიგიყვანს კარგი მომავლის დასაწყისთან! (ნიკა მე-6 კლასიდან)

14. წიგნი არ შეაფასოთ ყდითა და სისქით, რადგან, რაც შიგ წერია განძია! (ელენე მე-6 კლასიდან)

14. წიგნი ჩვენი მეგობარია! (თაკო მე-6 კლასიდან)

15. წიგნი წარმატებულ ადამიანად გაქცევს! (ნია მე-6 კლასიდან)

16. წიგნები ჩვენი მეგობრები არიან, რომლებიც გვიყვებიან ამბებს. (ნატალია მე-6 კლასიდან)

თქვენ ალბათ გაინტერესებთ, რა ხდება აქ?!

ეს შემეცნებითი თავგადასავლის შედეგია. სულ ცოტა ხნით ვიმოგზაურეთ პრეისტორიულ ეპოქაში და წარმოვიდგინეთ, როგორ ურთიერთობდნენ ადამიანები დამწერლობის გარეშე. არ იყო ურიგო თავგადასავალი! უფრო მეტიც, დავრწმუნდით, რომ იმ ეპოქის ადამიანი ძალიან ნიჭიერი იყო, რადგან შეეძლო, მეგობრის ამგვარი შეტყობინება მარტივად წაეკითხა.

მოსწავლეების ბარათები

წერილები

ეს წერილები მიყვარს და ისინი მუდამ ჩემთან დარჩება, რადგან მამხნევებს და მაბედნიერებს.

ისინი მაფიქრებინეს, რომ სადღაც ყოველთვის არის ვინმე, ძვირფასი ბავშვი, ვისაც სიკეთის,

სიყვარულისა და საქმისადმი ერთგულების დანახვა და დაფასება შეუძლია. <3

თქვენ

ყოველთვის ჩემთან ერთად ხართ, ბავშვებო! <3

1. ლუკა :)

ზარი დაირეკა, დაიწყო ქართული ენისა და ლიტერატურის გაკვეთილი, კლასში

შემოვიდა ჩვენი მშვიდი, პოზიტიური და ენერგიული ქეთევან მასწავლებელი, რომელიც მთელი

ამდენი ხნის განმავლობაში გვემეგობრებოდა და გვასწავლიდა. ყოველ გაკვეთილზე მხიარულ

დავალებებს გვასრულებინებდა, ისე გვიდგებოდა, როგორც საკუთარ მეგობრებს. მის გაკვეთილზე

არ მოიწყენდი. ჩემი აზრით ქეთევანი ყველაზე მრავალფეროვანი მასწავლებელია მთელ სკოლაში.

ვნახე რომ მასწავლებელს "სმაილი" გამოეყენებინოს.

ჩვენ მასთან ერთად სპექტაკლიც დავდგით და თავი ნამდვილ მსახიობებად ვიგრძენით. ყველაზე

მეტ ათიანსაც ქეთი მასი გვიწერს. იგი ძალიან თანამედროვე და ორიგინალურია. პირველად

მას არავისთვის არ აუწევია ყური, და არ მოუწიწკნია „ბაკები“ :D. ერთხელ

მან მასწავლებლობის უფლებაც მოგვცა, რაც ძალიან ძნელი აღმოჩნდა, და ამიტომაც, მე ვაფასებ

ქეთი მასწავლებლის შრომას <3.

2. მარიამი

ეს სასწავლო წელი, არ ვიცი რატომ, მაგრამ ნამდვილად იყო განსხვავებული.

ყველფერი უფრო საინტერესო გახდა, დრომ ისე სწრაფად ჩაიქროლა, მეშინია,

ზაფხულის სანატრელი არდადეგებიც თვალის დახამხამებაში არ გავიდეს. ასევე უნდა აღვნიშნო,

რომ ეს წელი იყო გაცილებით მეტის მომცემი, ვიდრე დანარჩენები და არ შემიძლია, გამოვტოვო

იმის მაგივრად, რომ ქართულის გკვეთილები ყოფილიყო მოსაწყენი, ისინი პირიქით, ძალიან

წლის ყველაზე საინტერესო გაკვეთილების ნომინაციაში გამარჯვებული ქართულის გაკვეთილები.

საინტერესო გახდა.

არ მიწევდა ტექსტების დაზეპირება, უბრალოდ ჩვენ მათ ხალისით ვსწავლობდით,

სხვადასხვა აქტვოვებების დახმარებით. მინდა, რომ ყოველთვის ასე გაგრძელდეს და ძალიან

მეწყინება ქეთევან გარაყანიძე ვინმემ რომ ჩაანაცვლოს.

3. ნინი

ჩემი აზრით, წელს ქართულის გაკვეთილები საკმაოდ საინტერესო იყო. გვქონდა

მხიარული გაკვეთილები, ვიცინოდით, ვთამაშობდით, სპექტაკლებს ვდგამდით და სხვადასხვა

სახალისო აქტივობებში ვიღებთ მონაწილეობას.

ეს ყველაფერი ქეთევან მასწავლებლის დამსახურებაა. მადლობა თქვენ ასეთი

მოგონებებისთვის. ასეთი მხიარული, სიცოცხლით სავსე, განსხვავებული და მხიარული მასწავლებელი

ჩვენთვის პირველია.

4.ვასო

მე ყველაზე მეტად დამამახსოვრდა ჩემი მასწავლებელი, იმიტომ რომ ის გამორჩეული

ადამიანია.მე მომენატრება ჩვენი კლასი და აუცილებლად მასწავლებელიც. იმედია, ჩვენი

ქეთი მასწავლებელი არ მიგვატოვებს და 12 კლასამდე დარჩება ჩვენთან ერთად!

ქეთი #მასწავლებლის წერილი მოსწავლეებს

ქეთი #მასწავლებლის წერილი მოსწავლეებს

ჩემო მოსწავლეებო!

16 სექტემბერს ყველაფრის #თავიდან დაწყების კიდევ ერთი ახალი სასწავლო წელი დადგება.
ჩვენ გვაქვს უფლება, ვთქვათ, რომ ბევრი საინტერესო რამ მოვიხილეთ ლიტერატურის წყალობით. ერთად ვიმოგზაურეთ აღმოსავლეთში თუ დასავლეთში, ჩრდილოეთში თუ სამხრეთში. გავიცანით ადამიანები ოცნებებით, იმედებითა და პრობლემებით, სიხარულიანი და მწუხარებიანი დღეებით, მაგრამ მთავარი ის იყო, რომ მეუბნებოდით: მადლობა, მასწავლებელო, ეს რომ წაგვაკითხეთ!
ჩვენ ახლაც ვიწყებთ თავიდან. ისევ მოვივლით აღმოსავლეთსა თუ დასავლეთს, ჩრდილოეთსა თუ სამხრეთს, მაგრამ როცა წლის მოგზაურობა დასრუდება, პერსონაჟების კი არა, ერთმანეთის დანახვა უნდა შევძლოთ.

#თქვენ უკვე დიდები ხართ!

თქვენ შეგიძლიათ დაინახოთ არა ფიგურები, არამედ მკრთალი ხაზები, არა ფერები, არამედ-შავი და თეთრი მთელი თავისი ფილოსოფიით. თქვენ უნდა მოისმინოთ არა ის, რაც გესმით, არამედ ის, რაზეც არავინ საუბრობს!...
თქვენ უკვე დიდები ხართ და მჯერა, რომ ყოველ ჯერზე, როცა ყველაფერს თავიდან დავიწყებთ, მოხვალთ და მეტყვით: სადაც ვიყავით, იქ ჯერ კიდევ ბევრია საინტერესო, მოდით, ვიკვლიოთ სამყარო დაუსრულებლად!
გილოცავ ახალი სასწავლო წლის დადგომას!
სიყვარულით თქვენი ქეთი მასწავლებელი

პატარა მწერლების ლაბორატორია

ქეთის ლიტერატურული ლაბორატორია

აქტივობები სახალისო გაკვეთილებისთვის

აქტივობა: გახდი მეთოჯინე და შექმენი საყვარელი ლიტერატურული პერსონაჟისგან სათამაშო; (V/ვ კლასი)

   

აქტივობა: მე სამშობლოსთვის (წერილები მომავლის ყუთისთვის) (V/ვ კლასი)

  

აქტივობა: დახატე აფორიზმი

თემა: „იგი წავა და სხვა მოვა ტურფასა საბაღნაროსა“ (V/ვ კლასი)

თემა: „ლეკვი ლომისა სწორია, ძუ იყოს -თუნდა ხვადია“ (V/ვ კლასი)

აქტივობა:  მიამბე, როგორც იგავ-არაკი (VII/დ) კლასი

ქეთევან გარაყანიძის საბავშვო მოთხრობები

საბავშვო მოთხრობების წასაკითხად გადადით ლინკზე:
http://kids.ge/author?author=ქეთევან-გარაყანიძე&fbclid=IwAR20HaOaUqxCW3Z4fMPRxpzTB43iz1_nyEUi305yMt3l9SjNZOEv93v02g4

ქრისტინა როსეტი-„მეგობრის ხელით“

როცა ცხოვრების დაუნდობელ გზას შეუდგები,
მრუდე ბილიკებს დაატყდებათ როდესაც ზაფრა,
ნაკვალევს შენსას როს დაფარავს დროების მტვერი,
როცა მოკეთე არ შეგრჩება ამ ქვეყნად ბევრი;
ციცაბო ქარაფს ქვათაცვენის წაშლის გრიალი,
ნაბიჯებს მრუდე დაეტყობათ ანაბეჭდები,
მეგობრის ხელით, უყტუარი მეგობრის ხელით,
შენ გადარჩები....

„ჩემი სიმღერა“

ქრისტინა როსეტი-„ჩემი სიმღერა“

როცა მე მოვკვდები ძვირფასო,
მუდარა მექნება ერთი;
არ მიყვარს ხეების ჩრდილები,
სიმაღლე მაშფოთებს ლერწმის.
სევდიან სიმღერებს გიკრძალავ,
სიშორეც მეყოფა შენი,
ვარდებიც არ მინდა საფლავზე,
არც ბევრი, არც მხოლოდ ერთი.
სამარის მიწაყრილს ეფინოს,
ბალახი ნორჩი და ქორფა,
არ მინდა სიკვდილი გეწყინოს,
გლოვობდე ჩემს აღარყოფნას!

"მინდა გახსოვდე"

ქრისტინა როსეტი-"მინდა გახსოვდე"

მინდა გახსოვდე, როცა მიწის გავხდები კერძი
და საუკუნო სიმშვიდისთვის მიმიხმობს ზეცა.
მაშინ, როდესაც, რა ძლიერაც უნდა ეცადო,
ვერ გააქარწყლებ სიკვდილის და არყოფნის სევდას.
როცა ვერ შეძლებ მომაგონო, რომ წინასწარვე,
დაწერილია ხვედრი ქვეყნად ყველა მიჯნურის;
როცა ხელებით, ასე თბილი რომ იყო ადრე,
არ შეგეძლება გააცოცხლო ჩემი სხეული.

მინდა გახსოვდე, მაგრამ ვიცი გარდუვალია,
მეხსიერება ვერ ინახავს ძველისძველ ხატებს,
ამიტომ ვფიქრობ, როგორც უნდა გიყვარდე ახლა
დრო ამ სიყვარულს გაძარცვავს და გააფერმკრთალებს.

nona giunashvili (sand art) ნონა გიუნაშვილი "ქვიშის ზღაპარი"-ბაბუა